റിലീസ് ചെയ്ത കേന്ദ്രങ്ങളിലെല്ലാം മികച്ച പ്രേക്ഷക പ്രശംസ നേടി വിജയകുതിപ്പ് തുടരുകയാണ് മാരി സെല്‍വരാജ് സംവിധാനം ചെയ്ത മാമന്നന്. തമിഴ്‌നാട്ടില്‍നിന്നുമാത്രം ആദ്യ ദിനം ഒന്‍പത് കോടിയിലധികം കളക്ഷന്‍ നേടിയെന്നാണ് റിപ്പോര്‍ട്ട്. ഈ സാഹചര്യത്തില്‍ മാമന്നന്റെ വിജയത്തിന് ചുക്കാന്‍ പിടിച്ച സംവിധായകന്‍ മാരി സെല്‍വരാജിന് മിനി കൂപ്പര്‍ സമ്മാനമായി നല്‍കിയിരിക്കുകയാണ് ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിച്ച ഉദയനിധി സ്റ്റാലിന്‍.
‘മാമന്നന് ലോകം ചുറ്റാന്‍ ചിറകുകള്‍ നല്‍കിയ എന്റെ മാരി സെല്‍വരാജിന് നന്ദി’ എന്നാണ് ഉദയനിധി സ്റ്റാലിന്‍ കുറിച്ചത്
ഉദയനിധി സ്റ്റാലിനെ കൂടാതെ വടിവേലു ഫഹദ് ഫാസില്‍, കീര്‍ത്തി സുരേഷ് തുടങ്ങിയവരാണ് മറ്റ് അഭിനേതാക്കള്‍. എ.ആര്. റഹ്മാനാണ് സംഗീതം നല്‍കിയിരിക്കുന്നത്. റെഡ് ജയന്റ് മൂവീസാണ് നിര്‍മ്മാതാക്കള്‍. തേനി ഈശ്വര്‍ ഛായാഗ്രഹണം നിര്‍വ്വഹിച്ചിരിക്കുന്നു. ഉദയനിധി സ്റ്റാലിന്റെ അവസാന ചിത്രമെന്ന പ്രത്യേകതയും മാമന്നനിനുണ്ട്.
Recent Comments