സിനിമാപ്രേമികള്‍ ആകാംക്ഷയോടെ കാത്തിരിക്കുന്ന മോഹന്‍ലാലിന്റെ സംവിധാന അരങ്ങേറ്റ ചിത്രമാണ് ബറോസ്. ചിത്രത്തിന്റെ പുതിയ അപ്‌ഡേറ്റ് പുറത്തുവന്നിരിക്കുകയാണ്. ചിത്രത്തിന്റെ യുകെ, യൂറോപ്പ് റൈറ്റ്‌സ് വിറ്റത് സംബന്ധിച്ച പ്രഖ്യാപനമാണ് എത്തിയിരിക്കുന്നത്. യുകെയിലെയും യൂറോപ്പിലെയും വിതരണാവകാശം ആര്‍എഫ്ടി ഫിലിംസ് സ്വന്തമാക്കിയിക്കുന്നുവെന്നാണ്. ആര്.എഫ്.ടി ഫിലിംസാണ് ഇക്കാര്യം അറിയിച്ചിരിക്കുന്നത്.
2019 ഏപ്രിലില്‍ പ്രഖ്യാപിക്കപ്പെട്ട ചിത്രമാണിത്. 2021 മാര്‍ച്ച് 24 നായിരുന്നു. ഒഫിഷ്യല്‍ ലോഞ്ച്. 170 ദിവസങ്ങള്‍ എടുത്താണ് ചിത്രീകരണം നടന്നത്. ഈ വര്‍ഷം മാര്‍ച്ച് 28 ന് റിലീസ് പ്രഖ്യാപിക്കപ്പെട്ടിരുന്നെങ്കിലും ചിത്രം ആ ദിവസം റിലീസ് ചെയ്തില്ല. ചിത്രം ഓണത്തിന് എത്തുമെന്ന് പ്രതീക്ഷിച്ചെങ്കിലും അതും ഉണ്ടായില്ല.
ആശില്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ ആണ് ബറോസ് നിര്‍മ്മിക്കുന്നത്. ജിജോയുടെ കഥയെ ആസ്പദമാക്കിയാണ് സിനിമയരൊരുക്കുന്നത്. ലിഡിയന്‍ നാദസ്വരമാണ് ചിത്രത്തിന്റെ സംഗീതസംവിധായകന്‍. അമേരിക്കന്‍ ടെലിവിഷന്‍ ചാനലായ സിബിഎസിന്റെ വേള്‍ഡ്‌സ് ബെസ്റ്റ് പെര്‍ഫോമര്‍ അവാര്‍ഡ് നേടിയ ലിഡിയന്റെ ആദ്യ സിനിമയാണ് ബറോസ്. അതേസമയം റിലീസ് ഡേറ്റ് പ്രഖ്യാപനത്തിനായിയുള്ള കാത്തിരിപ്പിലാണ് ആരാധകര്‍.
Recent Comments