ജയ് ഗണേഷ് എന്ന ചിത്രത്തിലൂടെ ഡിസ്ട്രിബ്യൂഷന്‍ രംഗത്തേക്കും കടക്കുകയാണ് ഉണ്ണി മുകുന്ദന്റെ നേതൃത്വത്തിലുള്ള ഉണ്ണി മുകുന്ദന്‍ ഫിലിംസ് (UMF). ഉണ്ണി മുകുന്ദന്‍ തന്നെയാണ് ഈ വാര്‍ത്ത സോഷ്യല്‍ മീഡിയയിലൂടെ പങ്കുവെച്ചത്. ഇന്ത്യയില്‍ ഐക്കണ്‍ സിനിമാസിനൊപ്പവും ജിസിസി രാജ്യങ്ങളില്‍ ഹോംസ്‌ക്രീന്‍ എന്റര്‍ടെയ്ന്‍മെന്റസിനൊപ്പവും ബാക്കി രാജ്യങ്ങളില്‍ ആര്‍എഫ്ടി ഫിലിംസിനോടൊപ്പവുമാണ് ജയ് ഗണേഷ് യുഎംഎഫ് വിതരണത്തിനെത്തിക്കുന്നത്.
2024 ഏപ്രില്‍ പതിനൊന്നിനായിരിക്കും ജയ് ഗണേഷ് പ്രദര്‍ശനത്തിനെത്തുന്നത്. രഞ്ജിത് ശങ്കറാണ് ചിത്രത്തിന്റെ രചനയും സംവിധാനവും. മഹിമ നമ്പ്യാര്‍ നായികയായി വേഷമിടുന്ന ചിത്രത്തില്‍ നടി ജോമോള്‍ വക്കീല്‍ വേഷത്തില്‍ എത്തുന്നു.
ഹരീഷ് പേരടി, അശോകന്‍, രവീന്ദ്ര വിജയ്, നന്ദു തുടങ്ങിയവരാണ് മറ്റു പ്രമുഖ താരങ്ങള്‍. ഉണ്ണി മുകുന്ദന്‍ ഫിലിസും രഞ്ജിത്ത് ശങ്കറിന്റെ ഡ്രീംസ് എന്‍ ബിയോണ്ടും ചേര്‍ന്നാണ് ചിത്രം നിര്‍മിക്കുന്നത്. ഛായാഗ്രാഹണം ചന്ദു സെല്‍വരാജാണ്. ചിത്രം ഒരു ത്രില്ലറായിരിക്കുമെന്നാണ് സൂചനകള്‍.
Recent Comments