ഉണ്ണി മുകുന്ദന്‍ മുഖ്യ വേഷത്തില്‍ എത്തുന്ന പുതിയ ചിത്രമാണ് ‘ഷെഫീക്കിന്‍റെ സന്തോഷം’. ഒരു റിയലിസ്റ്റിക് ഫൺ എന്റർടൈനർ ആയിരിക്കും ചിത്രമെന്ന് അണിയറ പ്രവർത്തകർ പറയുന്നു. നവാഗതനായ അനൂപ് സംവിധാനം ചെയ്യുന്ന ചിത്രം ഉണ്ണിമുകുന്ദനും ബാദുഷയും ചേര്‍ന്നാണ് നിര്‍മിക്കുന്നത്.
ഷാന്‍ റഹ്മാന്‍ ചിത്രത്തിന് സംഗീതം നല്‍കുന്നു. എല്‍ദോ ഐസക് ഛായാഗ്രഹണം നിര്‍വഹിക്കുന്ന ചിത്രത്തിന് നൗഫല്‍ അബ്ദുള്ളയാണാ എഡിറ്റർ.
ചിത്രത്തിന്‍റെ ടൈറ്റില്‍ പോസ്റ്റര്‍ പുറത്തിറങ്ങി. മെഗാസ്റ്റാർ മമ്മൂട്ടി തന്റെ ഒഫീഷ്യൽ ഫേസ്ബുക് പേജിലൂടെയാണ് പോസ്റ്റർ പുറത്ത് വിട്ടത്.
ഒരു ചായക്കടയാണ് പോസ്റ്ററിലെ പശ്ചാത്തലം. ചിത്രത്തിന്‍റെ ഷൂട്ടിംഗ് ഉടന്‍ ആരംഭിക്കും. കൂടുതൽ വിവരങ്ങൾ വരും ദിവസങ്ങളിൽ പുറത്ത് വിടും.
ഉണ്ണിമുകുന്ദന്‍റെ നിര്‍മാണത്തില്‍ ആരംഭിച്ച ആദ്യ ചിത്രം മേപ്പടിയാന്‍ ഉടൻ പുറത്തിറങ്ങാൻ ഒരുങ്ങുകയാണ്. അടുത്തിടെയാണ് ചിത്രത്തിന്റ ഷൂട്ടിംഗ് പൂർത്തിയായത്.
Recent Comments