എവര്‍സ്റ്റാര്‍ ഇന്ത്യന്‍സിന്റെ ബാനറില്‍ പ്രശസ്ത ചലച്ചിത്ര താരം ഉര്‍വ്വശി, ഫോസില്‍ഹോള്‍ഡിംഗ്‌സ് എന്നിവര്‍ ചേര്‍ന്ന് നിര്‍മ്മിക്കുന്ന ചിത്രമാണ് എല്‍. ജഗദമ്മ എഴാം ക്ലാസ് ബി സ്റ്റേറ്റ് ഫസ്റ്റ്. ചിത്രത്തിന്റെ ഷൂട്ടിംഗ് കൊട്ടാരക്കരയില്‍ ആരംഭിച്ചു. നടനും എംഎല്‍എയുമായ ഗണേഷ് കുമാര്‍ സ്വിച്ചോണ്‍ കര്‍മ്മം നിര്‍വ്വഹിച്ചു. ഉര്‍വ്വശിയും തിരക്കഥാകൃത്ത് സജീവ് പാഴൂര്‍ എന്നിവര്‍ ചേര്‍ന്ന് ആദ്യ ക്ലാപ്പടിച്ചു. ഉര്‍വ്വശിയുടെ ഭര്‍ത്താവായ ശിവാസ് (ശിവപ്രസാദ്) കഥയും തിരക്കഥയും സംഭാഷണവുമെഴുതി സംവിധാനം ചെയ്യുന്ന ചിത്രത്തില്‍ ടൈറ്റില്‍ കഥാപാത്രത്തെ അവതരിപ്പിക്കുന്ന ഉര്‍വ്വശിയാണ്.
സ്ത്രീകഥാപാത്രങ്ങള്‍ക്ക് ഏറേ പ്രാധാന്യം നല്കി അവരുടെ ജീവിതത്തിന്റെ നേര്‍ക്കാഴ്ചകള്‍ അവതരിപ്പിക്കുന്ന ഒരു സ്ത്രീപക്ഷ സിനിമയാണിത്. കലേഷ് രാമാനന്ദ്, ബാലചന്ദ്രന്‍ ചുള്ളിക്കാട്, രാജേഷ് ശര്‍മ്മ, കിഷോര്‍, നോബി, വികെ ബൈജു, രശ്മി അനില്‍, ശൈലജ അമ്പു, ജിബിന്‍ ഗോപിനാഥ്, അഞ്ജലി സത്യനാഥ് എന്നിവര്‍ക്കൊപ്പം അമ്പതിലധികം പുതുമുഖങ്ങള്‍ ശ്രദ്ധേയമായ കഥാപാത്രത്തെ അവതരിപ്പിക്കുന്നു.
അനില്‍ നായര്‍ ഛായാഗ്രഹണം നിര്‍വഹിക്കുന്നു. അന്‍വര്‍ അലി എഴുതിയ വരികള്‍ക്ക് കൈലാസ് മേനോന്‍ സംഗീതം പകരുന്നു. എഡിറ്റിംഗ് ഷൈജല്‍ പ്രൊഡക്ഷന്‍ കണ്‍ട്രോളര്‍ ഷാഫി ചെമ്മാട്, ചീഫ് അസോസ്സിയേറ്റ് ഡയറക്ടര്‍ റെജിവാന്‍ അബ്ദുല്‍ ബഷീര്‍, കലാസംവിധാനം രാജേഷ് മേനോന്‍, കോസ്റ്റ്യൂംസ് കുമാര്‍ എടപ്പാള്‍, മേക്കപ്പ് ഹസ്സന്‍ വണ്ടൂര്‍, പ്രൊഡക്ഷന്‍ എക്‌സിക്യൂട്ടീവ് ശ്രീക്കുട്ടന്‍ ധനേശന്‍, പ്രൊഡക്ഷന്‍ മാനേജര്‍ ആദര്‍ശ് സുന്ദര്‍, സ്റ്റില്‍സ് നന്ദു ഗോപാലകൃഷ്ണന്‍, അസോസിയേറ്റ് ഡയറക്ടര്‍ മുകേഷ്, സക്കീര്‍ഹുസൈന്‍, അസിസ്റ്റന്റ് ഡയറക്ടര്‍ വിഷ്ണു വിശിക, ഷോണ്‍ സോണി, പോസ്റ്റര്‍ ഡിസൈനിംഗ്
ജയറാം രാമചന്ദ്രന്‍, പിആര്‍ഒ എഎസ് ദിനേശ്.
Recent Comments