ദേശീയ അവാര്‍ഡ് കരസ്ഥമാക്കിയ ഇന്ദ്രന്‍സിനെ കേന്ദ്രകഥാപാത്രമാക്കി അശോക് ആര്‍. കലിത്ത സംവിധാനം നിര്‍വ്വഹിക്കുന്ന ചിത്രമാണ് വേലുക്കാക്ക ഒപ്പ് കാ. വാര്‍ധക്യത്തിലെ ഏകാന്തതയെ തികച്ചും വ്യത്യസ്തമായ ശൈലിയില്‍ തീവ്രമായി പറഞ്ഞുവയ്ക്കുകയാണ് സംവിധായകന്‍ ചിത്രത്തിലൂടെ. പകലന്തിയോളം കൂലിവേല ചെയ്ത് ജീവിതം മുന്നോട്ടുകൊണ്ടു പോകുന്ന വേലുക്കാക്ക എന്ന കഥാപാത്രം അവതരിപ്പിക്കുന്ന ഇന്ദ്രന്‍സിന്റെ കരിയറില്‍ ഒരു പൊന്‍തൂവല്‍ കൂടിയായിരിക്കും ചിത്രം. അനാഥമാകുന്ന വാര്‍ധക്യത്തിന്റെ നൊമ്പരംവരച്ചുകാട്ടുന്ന ഈ ചിത്രം പുതിയ കാലത്തിലേക്കുള്ള ഒരു ഓര്‍മ്മപ്പെടുത്തല്‍ കൂടിയാണ്.
ഇന്ദ്രന്‍സിനെ കൂടാതെ ഉമ മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ഡിവൈഎസ്പി മധു ബാബു സുപ്രധാന വേഷം കൈകാര്യം ചെയ്യുന്നു. ഷെബിന്‍ ബേബി, വിസ്മയ, പാഷാണം ഷാജി, നസീര്‍ സംക്രാന്തി, സത്യന്‍ കോളങ്ങാട്, മാസ്റ്റര്‍ അര്‍ണവ് ബിജു വയനാട്, ബിന്ദു കൃഷ്ണ, ബേബി ആദ്യ രാജീവ്, അരം ജോമോന്‍, വേണു, അലന്‍ ജോണ്‍, ശ്യാം, സന്ദീപ്, സലീഷ് വയനാട്, സന്തോഷ് വെഞ്ഞാറമൂട്, റെനില്‍ ഗൗതം, രമേഷ്, മായ, ബിന്ദു, രവീന്ദ്രന്‍ മേലുകാവ് തുടങ്ങിയവരും അഭിനയിക്കുന്നു.
എകെജെ ഫിലിംസിന്റെ ബാനറില്‍ മെര്‍ലിന്‍ കെ. സോമന്‍ കുരുവിള, സിബി വര്‍ഗീസ് പുള്ളുരുത്തികരി, ഷാലിന്‍ കുര്യന്‍ ഷിജോ പഴയം പള്ളി എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. തിരക്കഥ, സംഭാഷണം സത്യന്‍ കോളങ്ങാട്, ചായാഗ്രഹണം ഷാജി ജേക്കബ്, എഡിറ്റിംഗ് ഐജു ആന്റോ, ഗാനരചന മുരളി ദേവ്, ശ്രീനിവാസന്‍ മേമ്മുറി. സംഗീതം യൂനസിയോ, റിനില്‍ ഗൗതം.
രാജസ്ഥാന്‍ ഇന്റര്‍നാഷണല്‍ ഫിലിം ഫെസ്റ്റിവല്‍, പാരിസ് ഫിലിം ഫെസ്റ്റിവല്‍, കോസ്‌മോ ഫെസ്റ്റിവല്‍, ബോധന്‍ ഇന്റര്‍നാഷണല്‍ ഫിലിം ഫെസ്റ്റിവല്‍, ക്രിംസണ്‍ ഹൊറിസോണ്‍ ഇന്റര്‍നാഷണല്‍ ഫിലിം ഫെസ്റ്റിവല്‍, പ്രാഗ്യു ഫെസ്റ്റിവല്‍, മാഫ്, സ്ലാപ്പ് സിറ്റി, ലിഫ്റ്റ് ഓഫ് ഓണ്‍ലൈന്‍ സീസണ്‍, നവധാ ഫിലിം ഫെസ്റ്റിവല്‍, ബോളിവുഡ് ഇന്റര്‍നാഷണല്‍ ഫിലിം ഫെസ്റ്റിവല്‍ തുടങ്ങിവയിലും ചിത്രം പുരസ്‌കാരങ്ങള്‍ കരസ്ഥമാക്കിയിട്ടുണ്ട്.
എക്‌സിക്യൂട്ടീവ് പ്രൊഡ്യൂസര്‍ പോള്‍ കെ. സോമന്‍ കുരുവിള, ക്രിയേറ്റീവ് കോണ്‍ട്രിബ്യൂഷന്‍ ദിലീപ് കുറ്റിച്ചിറ, ചീഫ് അസോസിയേറ്റ് ഡയറക്ടര്‍ ശ്രീകുമാര്‍ വള്ളംകുളം, അസോസിയേറ്റ് ഡയറക്ടര്‍ വിനയ് ബി. ഗീവര്‍ഗീസ്, പ്രൊഡക്ഷന്‍ ഡിസൈനര്‍ പ്രകാശ് തിരുവല്ല, പ്രൊഡക്ഷന്‍ കണ്‍ട്രോളര്‍ ചെന്താമരാക്ഷന്‍, കലാസംവിധാനം സന്തോഷ് വെഞ്ഞാറമൂട്, മേക്കപ്പ് അഭിലാഷ് വലിയകുന്ന്, വസ്ത്രാലങ്കാരം ഉണ്ണി കോട്ടക്കാട്, സ്റ്റില്‍സ് രാംദാസ് മത്തൂര്‍, ഡിസൈന്‍സ് സജീഷ് എം. ഡിസൈന്‍സ്, സ്റ്റുഡിയോ കെ. സ്റ്റുഡിയോസ് തമ്മനം. പിആര്‍ഒ എം.കെ. ഷെജിന്‍.
Recent Comments