പ്രണവ് മോഹന്‍ലാലിനെ നായകനാക്കി വിനീത് ശ്രീനിവാസന്‍ സംവിധാനം ചെയ്ത ഹൃദയം സിനിമയുടെ ചരിത്ര വിജയം അപ്പാസ് തിയേറ്ററില്‍ പ്രണവ് മോഹന്‍ലാല്‍ ഫാന്‍സ് ഭാരവാഹികള്‍ കേക്ക് മുറിച്ച് ആഘോഷിച്ചു. ‘ഹൃദയ’ത്തില്‍ അഭിനയിച്ച അശ്വത്ത് ലാല്‍, ജോജോ ജോസ്, അജീഷ്, വിജയകൃഷ്ണന്‍ എന്നിവര്‍ പങ്കെടുത്തു. നടന്മാര്‍ക്ക് ഫാന്‍സിന്റെ വക ഉപഹാരവും നല്‍കി.
തിയേറ്റര്‍ ഉടമ പ്രസന്നകുമാറിന് നടന്‍മാര്‍ ചേര്‍ന്ന് വിജയോപഹാരം സമ്മാനിച്ചു. ചടങ്ങില്‍ കൗണ്‍സിലര്‍മാരായ ശോഭ ഹരിനാരായണന്‍, ജ്യോതി രവീന്ദ്രനാഥ്, സാംസ്‌കാരിക പ്രവര്‍ത്തകന്‍ ബാബു ഗുരുവായൂര്‍, ഫാന്‍സ് പ്രസിഡണ്ട് ഷൈജു, സെക്രട്ടറി സജീവ്, ജനറല്‍ മാനേജര്‍ സന്ദീപ് എന്നിവര്‍ ആശംസകള്‍ നേര്‍ന്നു. വിജയാഘോഷത്തിന് വി. മുകുന്ദന്‍, കെ.ആര്‍. രാഹുല്‍ എന്നിവര്‍ നേതൃത്വം നല്‍കി.
Recent Comments