അജിത് കുമാര്‍ ചിത്രം വിഡാമുയര്‍ച്ചി ദീപാവലി റിലീസായി എത്തുമെന്നായിരുന്നു നേരത്ത് പുറത്തു വന്ന റിപ്പോര്‍ട്ട്. എന്നാല്‍ ചിത്രത്തിന്റെ പുതിയ അപ്‌ഡേറ്റ് അനുസരിച്ച് ദീപാവലി റിലീസില്‍നിന്നും ചിത്രം പിന്‍മാറുന്നുവെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. മിക്കവാറും ചിത്രം നവംബറിലായിരിക്കും റിലീസ് എന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
അജിത്ത് ചിത്രത്തിന്റെ റിലീസിനായി ആരാധകര്‍ നാളുകളായി കാത്തിരിക്കുകയാണ്. വിഡാമുയര്‍ച്ചി പ്രഖ്യാപിച്ചിട്ട് ഒരു വര്‍ഷത്തിലധികമായി. അസെര്‍ബെയ്ജാനില്‍ വിഡാമുയര്‍ച്ചിയുടെ ചിത്രീകരണം വാര്‍ത്തകള്‍ നിരന്തരം ചര്‍ച്ചയായി. എന്നാല്‍ പലപ്പോഴും ചിത്രീകരണം തടസ്സപ്പെട്ടു. വിഡാമുയര്‍ച്ചിയുടെ ചിത്രീകരണത്തിനിടെ ഒരാള്‍ മരിക്കുകയും ചെയ്തു. കലാസംവിധായകന്‍ മിലനാണ് ഹൃദയാഘാതത്താല്‍ മരിച്ചത്. പരുക്കേറ്റ അജിത്ത് ഇന്ത്യയിലേയ്ക്ക് തിരിച്ചു വരികയും ചെയ്തു. ഒടുവില്‍ ആരോഗ്യം ഭേദമായി വീണ്ടും സിനിമയുടെ ചിത്രീകരണത്തില്‍ പങ്കെടുക്കുകയായിരുന്നു. ഒടുവില്‍ അജിത്തിന്റെ വിഡാമുയര്‍ച്ചി സിനിമയുടെ ചിത്രീകരണം ഏതാണ്ട് പൂര്‍ത്തിയാക്കിയെന്നും റിപ്പോര്‍ട്ടുണ്ട്.
Recent Comments