വിജയ് ആന്റണിയെ നായകനാക്കി ബാലാജികുമാര്‍ സംവിധാനം ചെയ്ത മര്‍ഡര്‍ മിസ്ട്രിയാണ് കൊലൈ. ചിത്രം ജൂലൈ 21 ന് കേരളത്തില്‍ പ്രദര്‍ശനത്തിനെത്തും. E4 എന്റര്‍ടൈന്‍മെന്റ്‌സിനാണ് കേരളത്തിലെ വിതരണാവകാശം.
വിജയ് ആന്റണിയെ കൂടാതെ റിതികാ സിംഗ്, മീനാക്ഷി ചൗധരി, സിദ്ധാര്‍ത്ഥ ശങ്കര്‍, അര്‍ജുന്‍ ചിദംബരം, ജോണ്‍ വിജയ്, രാധികാ ശരത്കുമാര്‍, മുരളി ശര്‍മ്മ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
ഒരു പ്രമുഖ മോഡലിന്റെ മരണത്തിന്റെ ദുരൂഹതകള്‍ തേടി ഒരു ഡിറ്റക്ടീവ് നടത്തുന്ന അന്വേഷണമാണ് കൊലൈയുടെ ഇതിവൃത്തം. മോഡലായി കൃതികാ സിംഗും ഡിറ്റക്ടീവായി വിജയ് ആന്റണിയും വേഷമിടുന്നു. സംവിധായകന്‍ ബാലാജി കുമാറിന്റേതാണ് കഥ. ദുര്‍ഗ്ഗാപ്രസാദും ബാലാജിയും ചേര്‍ന്ന് സംഭാഷണങ്ങള്‍ എഴുതിയിരിക്കുന്നു. ശിവകുമാര്‍ വിജയനാണ് ഛായാഗ്രാഹകന്‍. എഡിറ്റര്‍ സെല്‍വ.
ഇന്‍ഫിനിറ്റി ഫിലിം വെഞ്ചേഴ്‌സും ലോട്ടസ് പിക്‌ച്ചേഴ്‌സും ചേര്‍ന്നാണ് കൊലൈ നിര്‍മ്മിച്ചിരിക്കുന്നത്.
Recent Comments