ഫ്രൈഡേ ഫിലിംസിന്റെ ബാനറില്‍ വിജയ് ബാബു നിര്‍മ്മിക്കുന്ന ചിത്രത്തിന്റെ ഷൂട്ടിംഗ് പയ്യന്നൂരില്‍ ആരംഭിച്ചു. ഈ ബാനറില്‍ നിര്‍മ്മിക്കുന്ന പത്തൊമ്പതാമത്തെ ചിത്രമാണിത്. ടൈറ്റില്‍ ആയിട്ടില്ല.
നവാഗതനായ ആദിത്യന്‍ ചന്ദ്രശേഖറാണ് സംവിധായകന്‍. വിനീത് ശ്രീനിവാസന്‍ സംവിധാനം ചെയ്ത ഹൃദയം എന്ന ചിത്രത്തിലെ ജോ എന്ന കഥാപാത്രത്തെ അവതരിപ്പിച്ച് ആദിത്യനാണ്. ഇതിനുമുമ്പ് ആവറേജ് അമ്പിളി എന്ന വെബ് സീരിയസ് തിരക്കഥ എഴുതി സംവിധാനം ചെയ്തിട്ടുണ്ട്. സെബാസ്റ്റ്യന്റെ വെള്ളിയാഴ്ച്ച എന്ന വെബ് സീരിയലിനുവേണ്ടി തിരക്കഥ എഴുതി അതിലെ കേന്ദ്രകഥാപാത്രത്തെ അവതരിപ്പിച്ചതും ആദിത്യനായിരുന്നു.
ഉത്തര മലബാറിന്റെ ഗ്രാമീണ പശ്ചാത്തലത്തിലാണ് കഥ നടക്കുന്നത്. വളരെ സാധാരണക്കാരായ ഏതാനും പേരുടെ ജീവിതവും അവര്‍ക്കിടയിലുണ്ടാകുന്ന പ്രശ്‌നങ്ങളും നര്‍മ്മത്തിലൂടെ അവതരിപ്പിക്കുന്നു. ആദിത്യന്‍ ചന്ദ്രശേഖരനും അര്‍ജുന്‍ നാരായണനും ചേര്‍ന്നാണ് തിരക്കഥ രചിച്ചിരിക്കുന്നത്.
സുരാജ് വെഞ്ഞാറമൂടും ബേസില്‍ ജോസഫും സൈജു കുറുപ്പുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. നിരഞ്ജന അനൂപാണ് നായിക. തന്‍വി റാം മറ്റൊരു പ്രധാന കഥാപാത്രത്തെ അവതരിപ്പിക്കുന്നു. രാജേഷ് ശര്‍മ്മ, അഭി റാം രാധാകൃഷ്ണന്‍ എന്നിവര്‍ക്കൊപ്പം ഇരുപത്തിയഞ്ചോളം പുതുമുഖങ്ങളും ചിത്രത്തിന്റെ ഭാഗമാകുന്നു.
മനു മഞ്ജിത്ത്, വിനായക് ശശികുമാര്‍ എന്നിവരുടെ വരികള്‍ക്ക് ഇഫ്തി ഈണം പകര്‍ന്നിരിക്കുന്നു. ജിതിന്‍സ്റ്റാന്‍സിലോസ് ഛായാഗ്രഹണവും ലിജോ പോള്‍ എഡിറ്റിംഗും നിര്‍വ്വഹിക്കുന്നു. കലാസംവിധാനം ത്യാഗ്യു, മേക്കപ്പ് സുധി. കോസ്റ്റ്യൂ ഡിസൈന്‍ – സ്റ്റെഫി സേവ്യര്‍, എക്‌സിക്കുട്ടീവ് പ്രൊഡ്യൂസര്‍ വിനയ് ബാബു, ചീഫ് അസ്സോസ്സിയേറ്റ് ഡയറക്ടര്‍ കെ.എം.നാസര്‍, പ്രൊഡക്ഷന്‍ മാനേജര്‍ കല്ലാര്‍ അനില്‍, പ്രൊഡക്ഷന്‍ എക്‌സിക്യൂട്ടീവ് ഷിബു പന്തലക്കോട്, പ്രൊഡക്ഷന്‍ കണ്‍ട്രോളര്‍ ഷിബു ജി. സുശീലന്‍, സ്റ്റില്‍സ് വിഷ്ണു രാജന്‍, പി.ആര്.ഒ. വാഴൂര്‍ ജോസ്.
Recent Comments