അല്ലു അര്‍ജുനന് മലയാളികളുടെ ഇടയില്‍ വലിയ ആരാധകരെ നേടി കൊടുത്ത റൊമാന്റിക് ഹിറ്റ് ചിത്രമായിരുന്നു ‘ആര്യ’. 2009 ല്‍ ആര്യ 2 ഇറങ്ങിയപ്പോഴും പ്രേക്ഷകര്‍ ഇരുകൈയും നീട്ടി സ്വീകരിച്ചു. എന്നാല്‍ ചിത്രത്തിന്റെ മൂന്നാം ഭാഗത്തില്‍ അല്ലു അര്ജുന് പകരമായി നായക വേഷത്തിലെത്തുന്നത് വിജയ് ദേവരകൊണ്ടയാണ്. അല്ലു അര്‍ജുനെ നായകനാക്കി സംവിധാനം ചെയ്യുന്ന ബിഗ് ബജറ്റ് ചിത്രം പുഷ്പയ്ക്ക് ശേഷം, സംവിധായകന്‍ സുകുമാര്‍ ആര്യ 3യുടെ പ്രീ-പ്രൊഡക്ഷന്‍ വര്‍ക്കുകളിലേക്ക് കടക്കുമെന്നാണ് വാര്‍ത്തകള്‍.
അല്ലു അര്ജുന് താരപദവി നേടിക്കൊടുത്ത ചിത്രംകൂടിയായിരുന്നു ആര്യ. ചിത്രത്തിന്റെ മൂന്നാം ഭാഗത്തെക്കുറിച്ച് വാര്‍ത്തകള്‍ വന്നതു മുതല്‍, അല്ലു അര്ജുന് തന്നെയാകും നായകന്‍ എന്നാണ് തെലുങ്ക് സിനിമാ പ്രേക്ഷകര്‍ ഉറപ്പിച്ചിരുന്നത്. എന്നാല്‍ വിജയ് ദേവരകൊണ്ടയെ വെച്ച് ചിത്രം ചെയ്യാനാണ് സുകുമാര്‍ ആലോചിക്കുന്നത്. തന്റെ അടുത്ത ചിത്രം വിജയ് ദേവരകൊണ്ടയ്ക്ക് ഒപ്പമാണ് എന്ന് സുകുമാര്‍ നേരത്തെ പ്രഖ്യാപിച്ചിരുന്നു.
നിലവില്‍ വിജയ് ദേവരകൊണ്ടയുടെ ‘ലൈഗര്‍’ പുറത്തിറങ്ങാന്‍ ഒരുങ്ങുകയാണ്. ആക്ഷന് പ്രാധാന്യം നല്‍കുന്ന ചിത്രത്തില്‍ മുന്‍ ലോകോത്തര ബോക്‌സിങ് താരമായ മൈക്ക് ടൈസണ്‍ ഒരു പ്രധാന വേഷത്തില്‍ എത്തുന്നു. അനന്യ പണ്ടെയാണ് നായിക.
Recent Comments