വിജയ് സേതുപതിയുടെ നാലോളം സിനിമകള്‍ സെപ്റ്റംബറില്‍ റിലീസിന് ഒരുങ്ങവെയാണ് പുതിയ ചിത്രമായ ‘മൈക്കിളി’ന്റെ ഫസ്റ്റ് ലുക്ക് പുറത്ത് വരുന്നത്.
മായാവന്‍, കസടാ തപാര, ഗല്ലി റൗഡി, എ 1 എക്‌സ്പ്രസ്സ് എന്നീ തമിഴ്, തെലുങ്ക് സിനിമകളിലൂടെ ശ്രദ്ധേയനായ താരം സന്ദീപ് കിഷന്‍ ആണ് ടൈറ്റില്‍ റോളില്‍ എത്തുന്നത്. ചിത്രത്തില്‍ വിജയ് സേതുപതി ഒരു സ്‌പെഷ്യല്‍ ആക്ഷന്‍ റോളിലായിരിക്കും എത്തുക.
ഹിന്ദി,മലയാളം, തമിഴ്, തെലുങ്ക്, കന്നഡാ എന്നീ ഭാഷകളില്‍ പുറത്തിറങ്ങുന്ന ചിത്രം രഞ്ജിത് ജയകോടിയാണ് സംവിധാനം ചെയുന്നത്.
ഭരത് ചൗധരി, പുഷ്‌കുര്‍ റാം മോഹന്‍ റാവു എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
വിജയ് സേതുപതിയുടെ ചിത്രങ്ങളായ ലാഭം, തുക്ലക് ദര്‍ബാര്‍, കടയ്‌സി വിവസായി, അന്നാബെല്ലേ സേതുപതി എന്നീ ചിത്രങ്ങളാണ് അടുത്ത മാസം റിലീസിനായി ഒരുങ്ങുന്നത്.
Recent Comments