ഡയറക്ടര്‍മാരായ രാജ് നിധിമോരു, ഡി.കെ കൃഷ്ണ എന്നിവരെ കുറിച്ച് വിവരിക്കാന്‍ ഒറ്റ പേര് മതി. അവര്‍ സംവിധാനം ചെയ്ത ‘ഫാമിലി മാന്‍’. മനോജ് ബാജ്‌പേയി, സാമന്ത അക്കിനേനി, പ്രിയാ മണി, നീരജ് മാധവ് തുടങ്ങിയ താരങ്ങള്‍ അണിനിരക്കുന്ന സീരീസ് അമസോണ്‍ പ്രൈമിലാണ് റിലീസ് ചെയ്തിരിക്കുന്നത്. ഇതിനോടകം തന്നെ വളരെ പ്രേക്ഷക പ്രശംസ പിടിച്ച് പറ്റിയ സീരീസ് ആണ് ഫാമിലി മാന്‍.
എന്നാല്‍ നിലവില്‍ ഈ സംവിധായകരുടെ പുതിയ സീരീസ് ഷൂട്ടിംഗ് പുരോഗമിച്ചുകൊണ്ടിരിക്കുകയാണ്. ഇതുവരെ പേരിടാത്ത സീരീസ്, ഏതു പ്ലാറ്റ് ഫോമില്‍ റിലീസ് ചെയ്യുമെന്ന് തീരുമാനിച്ചിട്ടില്ല. സീരീസില്‍ ഷാഹിദ് കപൂര്‍, രാഷി ഖന്ന തുടങ്ങി നിരവധി താരങ്ങള്‍ അണിനിരക്കുന്നുണ്ട്.
ഇപ്പോള്‍ ഷോയില്‍ വിജയ്സേതുപതിയും ജോയിന്‍ ചെയ്തിരിക്കുകയാണ്. താരത്തിന്റെ പുതിയ പകര്‍ന്നാട്ടത്തിനായി വളരെ ആകാംഷയോടെയാണ് ആരാധകര്‍ കാത്തിരിക്കുന്നത്. നിലവില്‍ കമല്‍ഹാസന്‍ നായകനാകുന്ന വിക്രം, മാമനിതന്‍, തുഗ്ലക് ദര്‍ബാര്‍, ലാഭം എന്നിങ്ങനെ ഒരു പിടി ചിത്രങ്ങളുടെ ഷൂട്ടിംഗ് തിരക്കിലാണ് താരം.
എന്നാല്‍ താരത്തെ വമ്പന്‍ പ്രതിഫലത്തിലാണ് ഈ സീരീസില്‍ എത്തിച്ചിരിക്കുന്നത്. ഒറ്റ ഷെഡ്യൂളില്‍ തീര്‍ക്കാനാണ് തീരുമാനിച്ചിരിക്കുന്നത്.
Recent Comments