19(1)എ എന്ന ചിത്രത്തിലൂടെ മക്കള്‍ സെല്‍വന്‍ വിജയ് സേതുപതി മലയാളത്തില്‍ ഒരു മുഴുനീള നായകവേഷത്തില്‍ എത്തുകയാണ്. നവാഗതയായ വി.എസ്. ഇന്ദു ഒരുക്കുന്ന ചിത്രത്തില്‍ നിത്യ മേനോനാണ് നായിക.
ആന്റോജോസഫ് ഫിലിം കമ്പനിയും ആന്‍ മെഗാ മീഡിയയും ചേര്‍ന്നാണ് ചിത്രം നിര്‍മ്മിക്കുന്നത്. വിജയ് സേതുപതിയും നിത്യ മേനോനും ആദ്യമായി ഒന്നിക്കുന്ന ഈ ചിത്രം ഡിസ്നി പ്ലസ് ഹോട്ട് സ്റ്റാറിലൂടെയാണ് റിലീസ് ചെയ്യുന്നത്. സിനിമയുടെ റിലീസ് തീയതി ഉടന്‍ പ്രഖ്യാപിക്കും. ഗോവിന്ദ് വസന്ത സംഗീതവും മനീഷ് മാധവന്‍ ഛായാഗ്രഹണവും നിര്‍വഹിക്കുന്നു.
ജയറാം നായകനായ മാര്‍ക്കോണി മത്തായി എന്ന ചിത്രത്തിലെ ക്യാമിയോ റോളിന് ശേഷം വിജയ് സേതുപതി അഭിനയിക്കുന്ന മലയാളം ചിത്രം കൂടിയാണ് 19(1)എ. വിജയ് സേതുപതി നായകനായ മാനഗരം മികച്ച റിപ്പോര്‍ട്ടുകളോടുകൂടി തീയേറ്ററില്‍ പ്രദര്‍ശനം തുടരുകയാണ്. മാരന്‍ സംവിധാനം ചെയ്യുന്ന വെട്രി എന്ന സിനിമയാണ് വിജയ് സേതുപതിയുടേതായി ഒരുങ്ങുന്ന തമിഴ് ചിത്രം. കൂടാതെ പുഷ്പാ 2, ഷാരുഖ് ഖാന്‍ നായകനാകുന്ന ജവാന്‍ എന്നീ ചിത്രത്തിലും താരം വേഷമിടുന്നുണ്ട്.
Recent Comments