വിജയ് നായകനാവുന്ന ഏറ്റവും പുതിയചിത്രം ‘ദ ഗ്രേറ്റസ്റ്റ് ഓഫ് ഓള്‍ ടൈമി’ന്റെ പുത്തന്‍ പോസ്റ്റര്‍ പുറത്തിറങ്ങി. പോസ്റ്റിറിന്റെ കൂടെ റിലീസ് തീയതിയും പുറത്ത് വിട്ടിട്ടുണ്ട്. സെപ്റ്റംബര്‍ 5 നാണ് ചിത്രം തിയറ്ററുകളിലേക്ക് എത്തുന്നത്.
വെങ്കട്ട് പ്രഭുവാണ് ഈ വിജയ് ചിത്രം തിരക്കഥയെഴുതി സംവിധാനംചെയ്യുന്നത്. ജയറാം, മോഹന്‍, യോഗി ബാബു, വി.ടി.വി ഗണേഷ്, മീനാക്ഷി ചൗധരി, സ്‌നേഹ, ലൈല എന്നിവര്‍ക്കൊപ്പം വെങ്കട് പ്രഭു ചിത്രങ്ങളിലെ സ്ഥിരം സാന്നിധ്യമായ വൈഭവ്, പ്രേംജി അമരന്‍, അരവിന്ദ്, അജയ് രാജ് എന്നിവരും ചിത്രത്തില്‍ വേഷമിടുന്നു.
യുവന്‍ ശങ്കര്‍ രാജയാണ് സംഗീത സംവിധാനം. സിദ്ധാര്‍ത്ഥ് നൂനി ഛായാഗ്രഹണവും വെങ്കട് രാജന്‍ എഡിറ്റിങ്ങും നിര്‍വഹിക്കുന്നു. രാജീവന്‍ ആണ് പ്രൊഡക്ഷന്‍ ഡിസൈനര്‍. ദിലീപ് സുബ്ബരായനാണ് സംഘട്ടന സംവിധാനം. എ.ജി.എസ് എന്റര്‍ടെയിന്‍മെന്റാണ് ചിത്രം നിര്‍മിക്കുന്നത്. എ.ജി.എസ് എന്റര്‍ടെയിന്‍മെന്റിന്റെ 25-ാം ചിത്രമാണിത്.
Recent Comments