ആര്‍. അജയ് ജ്ഞാനമുത്തു സംവിധാനം ചെയ്യുന്ന കോബ്രയുടെ കേരളത്തിലെ പ്രൊമോഷന്‍ പരിപാടികള്‍ക്കായി വിക്രം കേരളത്തിലെത്തി. ചെന്നൈയില്‍നിന്ന് വിമാനമാര്‍ഗ്ഗമാണ് അദ്ദേഹം കൊച്ചിയിലെത്തിയത്. വിക്രമിനോടൊപ്പം ശ്രീനിധി ഷെട്ടി ഉള്‍പ്പെടെ 23 പേരാണാണ് എത്തിയത്. ക്രൗണ്‍ പ്ലാസയില്‍ തങ്ങുന്ന അദ്ദേഹം മൂന്ന് മണിക്ക് പത്രപ്രവര്‍ത്തകരെ കാണും. ആറ് മണിക്ക് ജെയിന്‍ യൂണിവേഴ്‌സിറ്റിയില്‍ നടക്കുന്ന പൊതുപരിപാടിയിലും വിക്രം പങ്കെടുക്കും. കേരളത്തില്‍നിന്ന് ബാംഗ്ലൂരിലേയ്ക്കും അവിടെനിന്ന് ഹൈദരാബാദിലേക്കും പ്രൊമോഷന്റെ ഭാഗമായി പോകുന്നുണ്ട്.
ആഗസ്റ്റ് 31 നാണ് കോബ്ര റിലീസ് ചെയ്യുന്നത്. അഞ്ചിലേറെ വ്യത്യസ്ത ഗെറ്റപ്പിലാണ് വിക്രം ഈ സിനിമയില്‍ എത്തുന്നത്. വന്‍ ബജറ്റില്‍ ഒരുങ്ങുന്ന ചിത്രം ആരാധകര്‍ ഏറെ പ്രതീക്ഷയോടെയാണ് കാത്തിരിക്കുന്നത്.
ശ്രീനിധി ഷെട്ടിയാണ് നായിക. ക്രിക്കറ്റ് താരം ഇര്‍ഫാന്‍ പത്താന്‍ ആദ്യമായി വെള്ളിത്തിരയിലെത്തുന്ന ചിത്രംകൂടിയാണിത്. മിയാ ജോര്‍ജ്, റോഷന്‍ മാത്യു, സര്‍ജനോ ഖാലിദ്, മാമുക്കോയ, പത്മപ്രിയ, കനിഹ, മൃണാലിനി രവി, കെ.എസ്. രവികുമാര്‍, റോബോ ഷങ്കര്‍, ബാബു ആന്റണി, ആനന്ദ് രാജ്, രേണുക, മുഹമ്മദ് അലി, സിന്ധു ശ്യാം എന്നിവരാണ് മറ്റ് താരങ്ങള്‍.
ഹരിഷ് കണ്ണനാണ് ഛായാഗ്രാഹകന്‍. സംഗീതം എ.ആര്‍. റഹ്‌മാനും. അജയ് ജ്ഞാനമുത്തുവും നീലം കെ. ശേഖറും, കണ്ണ ശ്രീവസന്തന്‍ എന്നിവര്‍ ചേര്‍ന്നാണ് തിരക്കഥ ഒരുക്കിയിരിക്കുന്നത്. എഡിറ്റിംഗ് ജോണ്‍ എബ്രഹാം. സെവന്‍ സ്‌ക്രീന്‍ സ്റ്റുഡിയോസാണ് നിര്‍മ്മാതാക്കള്‍. ഇഫാര്‍ മീഡിയയും ഡ്രീം ബിഗ് ഫിലിംസും ചേര്‍ന്നാണ് ചിത്രം കേരളത്തില്‍ പ്രദര്‍ശനത്തിനെത്തിക്കുന്നത്.
Recent Comments