നവാഗതനായ ജയലാല്‍ ദിവാകരന്‍ സംവിധാനം ചെയ്യുന്ന ‘കുറുക്കന്‍’ എന്ന ചിത്രത്തില്‍ വിനീത് ശ്രീനിവാസനും ഷൈന്‍ ടോം ചാക്കോയും കേന്ദ്ര കഥാപാത്രങ്ങളെ അവതരിപ്പിക്കുന്നു. പ്രീപ്രൊഡക്ഷന്‍ ജോലികള്‍ പുരോഗമിക്കുന്ന സിനിമയില്‍ ശ്രീനിവാസനും അജു വര്‍ഗീസും സുപ്രധാന വേഷങ്ങളില്‍ എത്തുന്നു.
വര്‍ണ്ണച്ചിത്രയുടെ ബാനറില്‍ മഹാസുബൈറാണ് ചിത്രം നിര്‍മ്മിക്കുന്നത്. മനോജ് റാംസിങ്ങാണ് ചിത്രത്തിന് തിരക്കഥയും സംഭാഷണവും ഒരുക്കിയിരിക്കുന്നത്. സുരഭി ലക്ഷ്മിക്ക് ദേശീയ പുരസ്‌കാരം നേടിക്കൊടുത്ത മിന്നാമിനുങ്ങ് എന്ന ചിത്രത്തിന്റെ രചയിതാവാണ് മനോജ്. വുല്‍ഫ്, ഓപ്പറേഷന്‍ ജാവ തുടങ്ങിയ ചിത്രങ്ങളിലൂടെ ശ്രദ്ധേയനായ ഫൈസ് സിദ്ദിഖാണ് ഛായാഗ്രഹണം നിര്‍വഹിക്കുന്നത്. സിനിമയുടെ മറ്റു കാസ്റ്റിംഗ് പുരോഗമിക്കുന്നു.
ഗോദ, ഉറിയടി, യൂ ടൂ ബ്രൂട്ടസ് തുടങ്ങിയ ചിത്രങ്ങളുടെ എഡിറ്ററായ അഭിനവ് സുന്ദര്‍ നായക് സംവിധാനം ചെയ്യുന്ന ‘മുകുന്ദനുണ്ണി അസോസിയേറ്റ്‌സ്’ ആണ് നിലവില്‍ ചിത്രകരണം പുരോഗമിക്കുന്ന വിനീത് ശ്രീനിവാസന്‍ ചിത്രം.
Recent Comments