‘ജയ ജയ ജയ ജയ ഹേ’ എന്ന സൂപ്പര്‍ ഹിറ്റ് ചിത്രത്തിലൂടെ ശ്രദ്ധേയനായ സംവിധായകന്‍ വിപിന്‍ ദാസ് തിരക്കഥയെഴുതി, ആനന്ദ് മേനോന്‍ സംവിധാനം ചെയ്യുന്ന ചിത്രമാണ് ‘വാഴ’-ബയോപിക് ഓഫ് എ ബില്ല്യണ്‍ ബോയ്സ്. ചിത്രത്തിന്റെ പുതിയ റിലീസ് തീയതി പ്രഖ്യാപിച്ചിരിക്കുകയാണ് അണിയറ പ്രവര്‍ത്തകര്‍. ഓഗസ്റ്റ് 15 നാണ് ചിത്രം തീയേറ്ററുകളില്‍ റിലീസ് ചെയ്യുന്നത്. നേരത്തേ ഓഗസ്റ്റ് 2 നായിരുന്നു റിലീസ് ചെയ്യാന്‍ നിശ്ചയിച്ചിരുന്നത്.
‘ഗൗതമന്റെ രഥം’ എന്ന ചിത്രത്തിന് ശേഷം ആനന്ദ് മേനോന്‍ സംവിധാനം ചെയ്യുന്ന ചിത്രമാണ് വാഴ. ഈയടുത്ത് റിലീസ് ചെയ്ത ഗുരുവായൂര്‍ അമ്പലനടയില്‍ എന്ന ചിത്രം സംവിധാനം ചെയ്തത് വിപിന്‍ദാസാണ്. വിപിന്‍ ദാസ് പ്രൊഡക്ഷന്‍സ് ആന്റ് ഇമാജിന്‍ സിനിമാസിന്റെ ബാനറില്‍ വിപിന്‍ ദാസ്, ഹാരിസ് ദേശം, പി ബി അനീഷ്, ആദര്‍ശ് നാരായണ്‍ എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്.
പുതുമുഖങ്ങള്‍ക്ക് ഏറെ പ്രാധാന്യം നല്‍കി ഒരുക്കുന്ന ചിത്രത്തില്‍ സിജു സണ്ണി, ജോയിമോന്‍ ജ്യോതിര്‍, അമിത് മോഹന്‍ രാജേശ്വരി, സാഫ് ബ്രോസ്, അസീസ് നെടുമങ്ങാട്, വിനായക് മാലി, ഹാഷിര്‍, കോട്ടയം നസീര്‍, നോബി മാര്‍ക്കോസ്, അനുരാജ്, മീനാക്ഷി ഉണ്ണികൃഷ്ണന്‍, അജിന്‍ ജോയ്, അലന്‍ വിന്‍ സിറാജ് തുടങ്ങിയവര്‍ ചിത്രത്തില്‍ അഭിനയിക്കുന്നുണ്ട്.
ഛായാഗ്രഹണം അരവിന്ദ് പുതുശ്ശേരി, സംഗീതം- അങ്കിത് മേനോന്‍, എഡിറ്റര്‍- കണ്ണന്‍,
പ്രൊഡക്ഷന്‍ കണ്‍ട്രോളര്‍- റിന്നി ദിവാകര്‍, കല- ബാബു പിള്ള, മേക്കപ്പ്- സുധി സുരേന്ദ്രന്‍, കോസ്റ്റ്യൂം- അശ്വതി ജയകുമാര്‍, സ്റ്റില്‍സ്- അമല്‍ ജെയിംസ്, പരസ്യകല- യെല്ലോ ടൂത്ത്‌സ്, ടൈറ്റില്‍ ഡിസൈന്‍- സാര്‍ക്കാസനം, സൗണ്ട്- എം ആര് രാജാകൃഷ്ണന്‍, പ്രൊഡക്ഷന്‍ എക്‌സിക്യൂട്ടീവ്- അനീഷ് നന്തിപുലം, പിആര്‍ഒ- എഎസ് ദിനേശ്.
Recent Comments