നിര്‍മ്മാതാവും തീയേറ്റര്‍ ഉടമയുമായ വിശാഖ് സുബ്രഹ്‌മണ്യം വിവാഹിതനായി. അദ്വൈത ശ്രീകാന്താണ് വധു. തിരുവനന്തപുരം സുബ്രഹ്‌മണ്യ ഹാളില്‍വച്ചായിരുന്നു വിവാഹച്ചടങ്ങ്. മോഹന്‍ലാല്‍, ശ്രീനിവാസന്‍, റഹ്‌മാന്‍, മണിയന്‍പിള്ള രാജു, എം.ജി. ശ്രീകുമാര്‍, വിനീത് ശ്രീനിവാസന്‍, ധ്യാന്‍ ശ്രീനിവാസന്‍, മല്ലികാസുകുമാരന്‍, ലിസ്സി, മേനക, കാര്‍ത്തിക, ചിപ്പി രഞ്ജിത്ത്, കല്യാണി പ്രിയദര്‍ശന്‍, അഹാന കൃഷ്ണകുമാര്‍ തുടങ്ങിയ പ്രമുഖര്‍ പങ്കുകൊണ്ടു. ഇന്ന് വൈകുന്നേരം ഗിരിദീപം കണ്‍വെന്‍ഷന്‍ സെന്ററില്‍വച്ച് വിവാഹാനന്തര ചടങ്ങുകളും നടക്കും.
പ്രശസ്ത നിര്‍മ്മാതാവ് മെരിലാന്റ് സുബ്രഹ്‌മണ്യത്തിന്റെ പൗത്രനും തീയേറ്റര്‍ ഉടമ മുരുകന്‍ സുബ്രഹ്‌മണ്യത്തിന്റെ മകനുമാണ് വിശാഖ് സുബ്രഹ്‌മണ്യം. മെരിലാന്റിന്റെ ബാനറില്‍ വിശാഖ് സുബ്രഹ്‌മണ്യം നിര്‍മ്മിച്ച ചിത്രമായിരുന്നു വിനീത് ശ്രീനിവാസന്‍ സംവിധാനം ചെയ്ത ഹൃദയം.
Recent Comments