വിശാലും ആര്യയും പ്രധാന വേഷങ്ങളില്‍ എത്തുന്ന ആക്ഷന്‍ ത്രില്ലര്‍ ചിത്രമാണ് ‘എനിമി.’ ആനന്ദ് ശങ്കര്‍ തിരക്കഥയെഴുതി സംവിധാനം ചെയ്യുന്ന ചിത്രം, മിനി സ്റ്റുഡിയോയുടെ ബാനറില്‍ വിനോദ് കുമാറാണ് നിര്‍മ്മിക്കുന്നന്നത്. ചിത്രം സെപ്റ്റംബര്‍ അവസാനത്തോടെ പ്രദര്‍ശനത്തിനെത്തും. ചിത്രത്തില്‍ വിശാലും ആര്യയും കൂടാതെ മൃണാലിനി രവി, മംത മോഹന്‍ദാസ്, പ്രകാശ് രാജ് എന്നിവരും പ്രധാന വേഷങ്ങളില്‍ അണിനിരക്കുന്നുണ്ട്.
സിനിമയുടെ ടീസര്‍ യുട്യൂബില്‍ ട്രെന്‍ഡിംഗായി മുന്നേറികൊണ്ടിരിക്കുകയാണ്. ചിത്രം തീയറ്ററില്‍ തന്നെ റിലീസ് ചെയ്യാനാണ് നിര്‍മ്മാതാക്കളുടെ ലക്ഷ്യം . എസ്. തമനാണ് ചിത്രത്തിന് സംഗീതം ഒരുക്കിയിരിക്കുന്നത്. ചാടുലമായ ആക്ഷന്‍ രംഗംങ്ങള്‍ ഉള്ള ചിത്രത്തിന് ഛായാഗ്രാഹണം നിര്‍വഹിച്ചിരിക്കുന്നത് ആര്‍.ഡി രാജശേഖര്‍ ആണ്. എഡിറ്റിംഗ് റെയ്മണ്ട് ഡെരിക് ക്രെസ്റ്റ.
‘എല്ലാം അറിയുന്ന സുഹൃത്തായിരിക്കും ഏറ്റവും അപകടകാരിയായ ശത്രു’ എന്ന ടാഗ് ലൈനോടെയാണ് ‘എനിമി’ പുറത്തിറങ്ങുന്നത്. 2020ല്‍ ചിത്രീകരണം ആരംഭിച്ച ചിത്രം ജൂലൈ 12നാണ് പൂര്‍ത്തിയായത്.
ചിത്രത്തില്‍ പ്രധാന വേഷത്തിലെത്തുന്ന വിശാല്‍ ഇപ്പോള്‍ തു. പാ. ശരവണന്‍ സംസംവിധാനം ചെയ്യുന്ന ചിത്രത്തില്‍ അഭിനയിച്ചുവരികയാണ്. ബാബുരാജ് ചിത്രത്തില്‍ മറ്റൊരു പ്രധാന വേഷം ചെയ്യുന്നുണ്ട്. ചിത്രത്തിന്റെ ചിത്രീകരണം ഹൈദരാബാദില്‍ പുരോഗമിക്കുന്നു. അതേസമയം ആര്യ നായകനായെത്തിയ സര്‍പ്പാട്ട പരമ്പരൈ എന്ന ചിത്രം ആമസോണ്‍ പ്രൈമില്‍ അടുത്തിടെ റിലീസ് ചെയ്തു. കബിലാന്‍ എന്ന ബോക്‌സറുടെ വേഷമാണ് ആര്യ കൈകാര്യം ചെയ്തിരിക്കുന്നത്. ചിത്രം വന്‍ വിജയമായി മുന്നേറുന്നു.
ഷെരുണ്‍ തോമസ്
Recent Comments