2018 വിശാല്‍ അഭിനയിച്ച് വന്‍ ഹിറ്റായി മാറിയ ചിത്രമായിരുന്നു ഇരുമ്പുതിരൈ. മൂന്നു വര്‍ഷങ്ങള്‍ക്കിപ്പുറം അതേ ശ്രേണിയില്‍ പെടാവുന്ന മറ്റൊരു ത്രില്ലര്‍ ഹാക്കര്‍ ചിത്രവുമായി വിശാല്‍ വീണ്ടുമെത്തുന്നു. എം.എസ്. അനന്ദന്‍ സംവിധാനം ചെയ്യുന്ന ചക്ര സൈബര്‍ ക്രൈമിന്റെയും ഇ-കൊമേഴ്‌സ കുറ്റകൃത്യങ്ങളുടെയും ദൃശ്യാവിഷ്‌ക്കാരം കൂടിയാണ്. സിനിമയിലെ ഓരോ രംഗങ്ങളും ആകാംക്ഷയോടുകൂടി മാത്രമേ കണ്ടിരിക്കാന്‍ കഴിയൂ എന്ന് അതിന്റെ അണിയറക്കാര്‍ അവകാശപ്പെടുന്നു.
മിലിറ്ററി ഓഫീസറായ ചന്ദ്രുവായി വിശാലും ഐ.പി.എസ്. ഓഫീസറായ ഗായത്രിയുടെ വേഷത്തില്‍ ശ്രദ്ധാ ശ്രീനാഥും അഭിനയിക്കുന്ന ചിത്രത്തില്‍ റെജിനാ കസാന്‍ഡ്രെ മര്‍മ്മ പ്രധാനമായ കഥാപാത്രത്തെ അവതരിപ്പിക്കുന്നു. കൂടാതെ കെ. ആര്‍. വിജയ, സൃഷ്ടി ഡാങ്കെ,നീലിമ, റോബോ ഷങ്കര്‍, മനോബാല, വിജയ് ബാബു എന്നിവരും ചിത്രത്തില്‍ അണിനിരക്കുന്നു.
യുവന്‍ ഷങ്കര്‍ രാജ സംഗീത സംവിധാനവും ബാലസുബ്രഹ്‌മണ്യം ഛായാ ഗ്രഹണവും നിര്‍വഹിച്ചിരിക്കുന്ന ചക്രയുടെ സാഹസികത നിറഞ്ഞ ആക്ഷന്‍ രംഗങ്ങള്‍ ഒരുക്കിയിരിക്കുന്നത് അനല്‍ അരശാണ്. വിശാല്‍ ഫിലിം ഫാക്ടറിയുടെ ബാനറില്‍ വിശാല്‍ നിര്‍മ്മിച്ച ചക്ര ഫെബ്രുവരി 19 ന് കേരളം ഉള്‍പ്പെടെയുള്ള തെന്നിന്ത്യന്‍ സംസ്ഥാനങ്ങളില്‍ റിലീസ് ചെയ്യും.
സി.കെ. അജയ് കുമാര്‍
Recent Comments