സൂപ്പര്‍ഹിറ്റ് ചിത്രം മേപ്പടിയാനുശേഷം വിഷ്ണുമോഹന്‍ തിരക്കഥയെഴുതി സംവിധാനം ചെയ്യുന്ന ചിത്രത്തിന്റെ പൂജാച്ചടങ്ങുകള്‍ അഞ്ചുമന ക്ഷേത്രത്തില്‍വച്ച് നടന്നു. ഉണ്ണിമുകുന്ദന്റെ അച്ഛന്‍ മുകുന്ദന്‍ നായരാണ് ക്ലാപ്പ് ഓണ്‍ നിര്‍വ്വഹിച്ചത്. ചിത്രത്തിന്റെ ഷൂട്ടിംഗ് ജൂലൈ 18 ന് ആലപ്പുഴയില്‍ ആരംഭിക്കും. നാല് ഷെഡ്യൂളുകളിലായി പൂര്‍ത്തിയാകും. ആലപ്പുഴയ്ക്ക് പുറമെ, തിരുവനന്തപുരം, കുമളി, പാലക്കാട് എന്നിവയാണ് മറ്റ് ലൊക്കേഷനുകള്‍.
ബിജുമേനോന്‍, അനുമോഹന്‍, നിഖിലാ വിമല്‍, സിദ്ധിഖ്, രഞ്ജി പണിക്കര്‍, ഹക്കിം ഷാജഹാന്‍ എന്നിവരാണ് താരനിരയില്‍ ഉള്ളത്. ഫാമിലി ത്രില്ലര്‍ ഡ്രാമയായിരുന്നു മേപ്പടിയാനെങ്കില്‍ ഇത്തവണ ഒരു പ്രണയകഥയാണ് വിഷ്ണുമോഹന്‍ പറയുന്നത്. ജോമോന്‍ ടി. ജോണും ഷമീര്‍ മുഹമ്മദും വിഷ്ണുമോഹനും ചേര്‍ന്നാണ് ചിത്രം നിര്‍മ്മിക്കുന്നത്. ചിത്രത്തിന് ഛായാഗ്രഹണം ഒരുക്കുന്നതും ജോമോന്‍ ടി. ജോണാണ്. ഷമീര്‍ മുഹമ്മദാണ് എഡിറ്റര്‍. മേപ്പടിയാന്റെ എഡിറ്ററും ഷമീര്‍ മുഹമ്മദായിരുന്നു. എക്‌സിക്യൂട്ടീവ് പ്രൊഡ്യൂസര്‍ ഹാരിസ് ദേശം.
നവാഗതനായ അശ്വിന്‍ ആര്യനാണ് ചിത്രത്തിനുവേണ്ടി സംഗീതം ഒരുക്കുന്നത്. ജയ ജയ ജയ ജയഹേ എന്ന ചിത്രത്തിന്റെ പ്രോഗ്രാമറായിരുന്നു അശ്വിന്‍.
Recent Comments