ഏറെ കോളിളക്കം സൃഷ്ടിച്ച വാര്‍ത്തയായിരുന്നു തമിഴകത്തെ നടി വി.ജെ. ചിത്രയുടെ ദാരുണാന്ത്യം. വളരെ തിരക്കുണ്ടായിരുന്ന ചിത്ര സിനിമയിലും അരങ്ങേറ്റം കുറിച്ച വേളയിലാണ് മരണത്തെ പുല്‍കിയത്. അവര്‍ അവസാനമായി അഭിനയിച്ച തമിഴ് ചലച്ചിത്രം കാള്‍സിന്റെ ടീസര്‍ ഈയിടെ പുറത്തിറങ്ങി.
വളരെ യാദൃച്ഛികമായിട്ടാണെങ്കിലും ചിത്രയുടെ ജീവിതവുമായി ടിസറിലെ പല രംഗങ്ങള്‍ക്കും സാമ്യത കാണാം. ടീസറിലെ ഒരു ഭാഗത്ത് ചിത്രയുടെ കഥാപാത്രം പറയുന്നതിങ്ങനെ: ‘ആ ഒരാള്‍ എന്റെ ജീവിതത്തില്‍ കടന്നുവന്നില്ലായിരുന്നെങ്കില്‍ ഞാനും ഈ മണ്ണില്‍ ജീവിച്ചിരുന്നേനെ.’ വേറെയും ചില സംഭാഷണങ്ങളും രംഗങ്ങളും ചിത്രയുടെ മരണവുമായി പൊരുത്തം തോന്നുന്നത് ഒരുപക്ഷേ തികച്ചും യാദൃച്ഛികമായിരിക്കാം. ജെ. ശബരീഷ് സംവിധാനം ചെയ്ത ചിത്രം അടുത്തുതന്നെ തീയേറ്ററുകളിലെത്തും.
Recent Comments