ദിലീപ് നായകനായ വോയ്‌സ് ഓഫ് സത്യനാഥന്‍ കേരളത്തില്‍ മികച്ച വിജയംനേടി മുന്നേറുകയാണ്. റിലീസ് ചെയ്ത് 5 ദിവസംകൊണ്ട് ഏകദേശം 8 കോടി രൂപയോളമാണ് ഈ ചിത്രം ഗ്രോസ് നേടിയത്. നിലവില്‍ പ്രദര്‍ശനം തുടരുന്ന മിക്ക തീയേറ്ററുകളിലും സത്യനാഥന്‍ ഹൗസ്ഫുള്‍ ഷോ തുടരുകയാണ്. കുറെ നാളുകള്‍ക്കുശേഷം സിനിമാതീയേറ്ററുകള്‍ നിറഞ്ഞുകവിയുന്ന കാഴ്ചയ്ക്കും സത്യനാഥന്‍ സാക്ഷിയാകുന്നു.
നാളെ മുതല്‍ സത്യനാഥന്‍ ഗള്‍ഫ് രാജ്യങ്ങളിലും റിലീസ് ചെയ്യുകയാണ്. ഗള്‍ഫിലെ 90 ഓളം തീയേറ്ററുകളിലാണ് ചിത്രം എത്തുന്നത്. ഹോംസ്‌ക്രീന്‍ എന്റര്‍ടെയിന്‍മെന്റ്‌സാണ് ചിത്രം ഗള്‍ഫില്‍ പ്രദര്‍ശനത്തിനെത്തിക്കുന്നത്. അവിടെയും വന്‍വിജയം ആവര്‍ത്തിക്കുമെന്ന പ്രതീക്ഷയിലാണ് അണിയറ പ്രവര്‍ത്തകര്‍.
റാഫിയാണ് ചിത്രത്തിന്റെ സംവിധായകനും തിരക്കഥാകൃത്തും. ബാദുഷാ സിനിമാസ്, ഗ്രാന്റ് പ്രൊഡക്ഷന്‍സ്, പെന്‍ ആന്റ് പേപ്പര്‍ ക്രിയേഷന്‍സ് എന്നിവയുടെ ബാനറില്‍ ബാദുഷ, ദിലീപ്, ഷിനോയ് മാത്യു, രാജന്‍ ചിറയില്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
Recent Comments