രാജേഷ് കണ്ണങ്കര സംവിധാനം ചെയ്ത് പ്രവീണ്‍ പുളിക്കമാരില്‍ നിര്‍മ്മിച്ച മിര്‍ച്ചി മസാല എന്ന വെബ്‌സീരീസ് നീസ്ട്രീം ഒടിടി പ്ലാറ്റ്‌ഫോമില്‍ റിലീസ് ചെയ്തു.
മെട്രോ നഗരത്തിലെ ആര്‍ഭാട ജീവിതത്തില്‍ ഉല്ലസിച്ചു കഴിയുന്ന നാല് പെണ്‍കുട്ടിലൂടെയാണ് കഥ നീങ്ങുന്നത്. വ്യത്യസ്ത ജീവിതസാഹചര്യങ്ങളില്‍ നിന്നും നാഗരികതയിലേക്ക് ചേക്കേറി എല്ലാ കെട്ടുപാടുകളും ഉപേക്ഷിച്ച് സ്വാതന്ത്ര്യരായി ജീവിക്കുകയാണ് ഇവര്‍. ഇവരുടെ ജീവിതത്തിലുണ്ടാവുന്ന അരുതാത്ത സംഭവവികാസങ്ങളും തുടര്‍ന്നുണ്ടാകുന്ന അന്വേഷണാത്മകമായ ഗതിവിഗതികളുമാണ് വെബ്‌സീരീസിലൂടെ സംവിധായകന്‍ പറയുന്നത്.
സച്ചുവാണ് ക്യാമറ കൈകാര്യം ചെയ്തിരിക്കുന്നത്. സജീഷ് നാരായണന്റെ കഥയ്ക്ക് തിരക്കഥ അനി ബാബു നിര്‍വഹിച്ചിരിക്കുന്നു. എഡിറ്റിംഗ് ഹാഷിം. പ്രൊഡക്ഷന്‍ കണ്‍ട്രോളര്‍ സുനില്‍ ജോസ്. മേക്കപ്പ് ശ്രീജിത്ത്. ഐഷാനിഫിലിംസ് ഇന്‍ അസോസിയേഷന്‍ വിത്ത് റെഡ് മീഡിയയാണ് ബാനര്‍. മിര്‍ച്ചിമസാലയില്‍ ജയന്‍ ചേര്‍ത്തല, പ്രവീണ്‍ പുളിക്കമാരില്‍, അഖിലേഷ്,സജിനാ ഫിറോസ്, ലക്ഷ്മി സുരേന്ദ്രന്‍ എന്നിവരെക്കൂടാതെ ഒട്ടേറെ പുതുമുഖ താരങ്ങളും അഭിനയിക്കുന്നു. പിആര്‍ഒ എം.കെ. ഷെജിന്‍ ആലപ്പുഴ.
Recent Comments