സച്ചിയുടെ സംവിധാനത്തില്‍ പൃഥ്വിരാജും ബിജുമേനോനും മത്സരിച്ചഭിനയിച്ച അയ്യപ്പനുംകോശിയും തെലുങ്ക് പതിപ്പിന്റെ ഷൂട്ടിംഗ് പുരോഗമിക്കുകയാണ്. ബിജുമേനോന്‍ അവതരിപ്പിച്ച അയ്യപ്പന്‍ നായരുടെ വേഷത്തില്‍ പവന്‍കല്യാണും പൃഥ്വിരാജ് അവതരിപ്പിച്ച കോശികുര്യന്റെ വേഷത്തില്‍ റാണാ ഡഗ്ഗുബട്ടിയും അഭിനയിക്കുന്നു.
സാഗര്‍ കെ ചന്ദ്ര സംവിധാനം ചെയ്യുന്ന തെലുങ്ക് പതിപ്പില്‍ തമനാണ് സംഗീതമൊരുക്കുന്നത്. രവി കെ. ചന്ദ്രന്‍ ഛായാഗ്രഹണം നിര്‍വഹിക്കുന്ന ചിത്രത്തിന്റെ എഡിറ്റിങ്ങ് അഖിലേന്ത്യാതലത്തില്‍ ശ്രദ്ധേയനായ നവീന്‍ നൂലിയാണ്.
സിത്താര എന്റര്‍ടൈന്‍മെന്റ്‌സിന്റെ ബാനറില്‍ നാഗവംശിയാണ് ചിത്രം നിര്‍മ്മിക്കുന്നത്. 2022 ജനുവരി മകരസംക്രമ ദിനത്തില്‍ ചിത്രം റിലീസ് ചെയ്യാനാണ് അണിയറക്കാര്‍ ശ്രമിക്കുന്നത്.
ഇപ്പോഴിതാ ചിത്രത്തില്‍ അയ്യപ്പന്‍ നായരുടെ ഭാര്യയുടെ വേഷത്തില്‍ അഭിനയിക്കുന്നത് ആരാണെന്ന് പ്രവര്‍ത്തകര്‍ പുറത്ത് വിട്ടിരിക്കുന്നു.
മലയാളത്തില്‍ ഗൗരിനന്ദ ചെയ്ത വേഷത്തിലെത്തുന്നത് നിത്യാമേനോനാണ്. നിത്യാ മേനോന്‍ തെലുങ്കില്‍ അവസാനം അഭിനയിച്ച ചിത്രം 2020 ല്‍ പുറത്തിറങ്ങിയ നിന്നിലാ.. നിന്നിലാ.. ആണ്.
Recent Comments