ബാദുഷ സിനിമാസിന്റെ ഏറ്റവും പുതിയ ചിത്രം വിപിന്‍ദാസ് സംവിധാനം ചെയ്യും. ഇത് സംബന്ധിച്ച ആദ്യ സൂചനകള്‍ നല്‍കിയത് നിര്‍മ്മാതാവ് ബാദുഷ തന്നെയാണ്. വിപിന്‍ദാസിനൊപ്പമുള്ള ചിത്രവും അദ്ദേഹം തന്റെ സോഷ്യല്‍മീഡിയ പേജില്‍ പങ്കുവച്ചിട്ടുണ്ട്.
പൃഥ്വിരാജിെന കേന്ദ്രകഥാപാത്രമാക്കി ചെയ്യുന്ന ഗുരുവായൂരമ്പലനടയില്‍ എന്ന ചിത്രത്തിന്റെ ഷൂട്ടിംഗിന് പാക്കപ്പ് പറഞ്ഞത് ദിവസങ്ങള്‍ക്ക് മുമ്പാണ്. അതിന് പിന്നാലെയാണ് പുതിയ വിപിന്‍ദാസ് ചിത്രവും അനൗണ്‍സ് ചെയ്യപ്പെട്ടിരിക്കുന്നത്.
മലയാളത്തിലെ മുന്‍നിര യുവ താരമാണ് ചിത്രത്തിലെ നായകവേഷം കൈകാര്യം ചെയ്യുന്നത്. തമിഴില്‍നിന്നും ഒരു പ്രധാന താരമുണ്ടെന്ന് അറിയുന്നു. ചിത്രത്തിന്റെ ഷൂട്ടിംഗ് ആഗസ്റ്റില്‍ തുടങ്ങാനാണ് പ്ലാന്‍. അതിന് മുന്നോടിയായി ചിത്രത്തിലെ താരനിരക്കാരെയും സാങ്കേതിക പ്രവര്‍ത്തകരെയും പ്രഖ്യാപിക്കുമെന്ന് അണിയറ പ്രവര്‍ത്തകര്‍ അറിയിച്ചിട്ടുണ്ട്.
‘തിരക്കഥ ലോക്കായി കഴിഞ്ഞു. പ്രധാന താരത്തെയും തീരുമാനിച്ചു. വൈകാതെതന്നെ അവരുടെ പേരുവിവരങ്ങള്‍ പ്രഖ്യാപിക്കും’ ബാദുഷ പറഞ്ഞു.
Recent Comments