മലയാളത്തില്‍ ഒരു പുതിയ പ്രൊഡക്ഷന്‍ കമ്പനി കൂടി എത്തുന്നു- വിസ്റ്റാല്‍ സ്റ്റുഡിയോസ്. ഈ ബാനറില്‍ നിര്‍മ്മിക്കുന്ന ആദ്യ ചിത്രമാണ് ‘എലൂബ്’. ഒരു സയന്‍സ് ഫിക്ഷനാണ് എലൂബ്. പ്രേക്ഷകര്‍ ഇന്നേവരെ കണ്ടിട്ടില്ലാത്ത ഒരു സൂപ്പര്‍ ഹീറോയുടെ കഥ എന്ന അവകാശവാദത്തോടെ എത്തുന്ന ചിത്രം അമാനുഷിക കഴിവുകള്‍ അപ്രതീക്ഷിതമായി കൈവശം വരുന്ന നായകന്റെ കഥയാണ് പറയുന്നത്.
നവാഗതനായ ജിം ആണ് സംവിധായകന്‍. ജിമ്മിന്റെ കഥയ്ക്ക് മാജിത് യോര്‍ദനും ലുഖ്മാനും ചേര്‍ന്ന് തിരക്കഥയെഴുതുന്നു. 2024 ജനുവരിയില്‍ ചിത്രത്തിന്റെ ഷൂട്ടിംഗ് തുടങ്ങും. ഊട്ടി, ഓഷ്യ, ഡല്‍ഹി, എന്നിവിടങ്ങളാണ് പ്രധാന ലൊക്കേഷനുകള്‍. പ്രീ പ്രൊഡക്ഷന്‍ വര്‍ക്കുകള്‍ പുരോഗമിക്കുകയാണ്. കാസ്റ്റിംഗ് ഡീറ്റെയില്‍സുകള്‍ ഉടന്‍ പുറത്തുവിടും എന്ന് അണിയറ പ്രവര്‍ത്തകര്‍ അറിയിച്ചിട്ടുണ്ട്.
ലോക പ്രശസ്ത ജാപ്പനീസ് സംഗീത സംവിധായകനായ യൂകി ഹയാഷിയാണ് ചിത്രത്തിനായി സംഗീതം പകരുന്നത്. ‘My Hero Academia’, ‘Pokemon’, ‘One Piece Film: Gold’ എന്നീ അനിമേറ്റഡ് ചിത്രങ്ങള്‍ക്ക് മ്യൂസിക് ചെയ്ത യൂകി ഹയാഷി ആദ്യമായി മലയാളത്തില്‍ സംഗീതം ഒരുക്കുന്നുവെന്ന പ്രത്യേകതയുമുണ്ട്.
‘അതിരന്‍’, ‘സൂഫിയും സുജാതയും’, ‘ടീച്ചര്‍’ എന്നീ ചിത്രങ്ങള്‍ക്ക് ക്യാമറ ചലിപ്പിച്ച അനു മൂത്തേടത്ത് ഛായാഗ്രഹണം നിര്‍വഹിക്കുന്ന ചിത്രത്തിന്റെ ചിത്രസംയോജന്‍ വിജി എബ്രഹാമാണ്. ‘ഫിലിപ്‌സ് ആന്റ് ദ മങ്കിപെന്‍’, ‘കമ്മാര സംഭവം’, ‘ഹോം’, ‘വിലായത്ത് ബുദ്ധ’ എന്നീ സിനിമകള്‍ ചെയ്ത ബഗ്ലാന്‍ ആണ് ‘എലൂബ്’ന്റെയും പ്രൊഡക്ഷന്‍ ഡിസൈന്‍. ലൈന്‍ പ്രൊഡ്യൂസര്‍ ഷാജി കാവനാട്‌.
വസ്ത്രാലങ്കാരം: അഫ്‌സല്‍ മുഹമ്മദ് സാലീ, മേക്കപ്പ്: റോഷന്‍രാജഗോപാല്‍, കളറിംങ്: റെഡ് ചില്ലീസ്‌കളര്‍, കളറിസ്റ്റ്: മക്കരാണ്ട് സുര്‍ത്തെ, എക്യുപ്‌മെന്റ് എഞ്ചിനീര്‍: ചന്ദ്രകാന്ത് മാധവന്‍, പ്രൊഡക്ഷന്‍ എക്‌സിക്യൂട്ടീവ്: സുധര്‍മ്മന്‍ വള്ളിക്കുന്ന്, പിആര്‍ഒ: എഎസ് ദിനേശ്, പബ്ലിസിറ്റി ഡിസൈന്‍സ്: യെല്ലോടൂത്ത്‌സ്.
Recent Comments